એડિટોરિયલ પોલિસી
છેલ્લે અપડેટ: 14 ઓક્ટોબર 2026. Gainly પર બચત, લોન, રોકાણ અને ટેક્સના કેલ્ક્યુલેટર અને લેખ ગુજરાતી, હિન્દી અને અંગ્રેજીમાં મુકાય છે. આ લખાણ કેવી રીતે લખાય છે, ચેક થાય છે અને ભૂલ હોય તો કેવી રીતે સુધરે છે, એ આ પેજમાં લખ્યું છે.
જવાબદારી કોની
Gainly રાજકોટ, ગુજરાતથી મનોજ ચલાવે છે. શું પ્રકાશિત થશે એ એ જ નક્કી કરે છે, અને સાઇટના દરેક પેજની જવાબદારી એમની છે. સાઇટ વિશે વધુ અમારા વિશે પેજ પર છે.
અમે શેના વિશે લખીએ છીએ
- ભારતમાં લોકો ખરેખર પૂછે એવા પૈસાના સવાલ: કેટલું રોકાણ કરવું, કઈ લોન સસ્તી પડે, કોઈ નિયમ કે ટેક્સ કેવી રીતે લાગે.
- દરેક લેખ એક સવાલનો જવાબ આપે છે, અને રૂપિયામાં ગણતરીનાં ઉદાહરણ સાથે, જેથી ફક્ત સામાન્ય સલાહ નહીં પણ સાચા આંકડા દેખાય.
- અમે પૈસા લઈને કે સ્પોન્સર્ડ લેખ નથી મુકતા. બેંક, ફંડ હાઉસ કે જાહેરાત આપનાર અમારા લખાણ માટે પૈસા નથી આપતા, એને ચેક કે મંજૂર નથી કરતા, અને અમે કોઈ ખાસ પ્રોડક્ટ વેચવાની કોશિશ નથી કરતા.
લેખ કેવી રીતે લખાય છે
લેખનો પહેલો ડ્રાફ્ટ AI રાઇટિંગ ટૂલની મદદથી લખાય છે. ડ્રાફ્ટ જેવો આવે એવો પ્રકાશિત નથી થતો: આંકડા અમારા કેલ્ક્યુલેટરથી ફરી ગણાય છે, દર અને નિયમ ઓફિશિયલ સોર્સ સાથે મેળવાય છે, અને મનોજ લેખ વાંચીને નક્કી કરે છે કે એ સાઇટ પર મુકાશે કે નહીં.
લેખ જે સોર્સ પર આધાર રાખે છે (RBIના સર્ક્યુલર, બેંકના વ્યાજ દરનાં પેજ, ઇન્કમ ટેક્સના નિયમ વગેરે), એની લિંક લેખની અંદર જ આપેલી હોય છે, જેથી તમે જાતે ખોલીને ચેક કરી શકો.
આંકડા કેવી રીતે ચેક થાય છે
- લેખના આંકડા આ જ સાઇટના કેલ્ક્યુલેટરથી ગણાય છે, જે તમે પણ વાપરી શકો. કયા દર, કેટલાં વર્ષ કે કયા ટેક્સ સ્લેબ પર ગણ્યું, એ આંકડાની બાજુમાં જ લખેલું હોય છે.
- દર અને નિયમ RBI, ઇન્કમ ટેક્સ વિભાગ, SEBI, AMFI, ઇન્ડિયા પોસ્ટ અને બેંકોની પોતાની વેબસાઇટ જેવા ઓફિશિયલ સોર્સ સાથે મેળવાય છે.
- ગુજરાતી અને હિન્દી લેખમાં પણ અંગ્રેજી જેવા જ આંકડા હોય છે. એકમાં ફેરફાર થાય તો ત્રણેય ભાષામાં થાય છે.
- દરેક લેખ પર એ ક્યારે પ્રકાશિત થયો કે છેલ્લે ક્યારે અપડેટ થયો, એની તારીખ લખેલી હોય છે.
ભૂલ સુધારવી
વ્યાજ દર, ટેક્સના નિયમ અને યોજનાઓ વારંવાર બદલાય છે. બદલાય ત્યારે અમે લેખ અને એની તારીખ અપડેટ કરીએ છીએ. તમને કોઈ ભૂલ દેખાય તો પેજની લિંક સાથે hello@gainly.in પર લખો. 2–3 કામકાજના દિવસમાં જવાબ આપીએ છીએ, અને ખોટો આંકડો નક્કી થાય એટલે તરત સુધારી દઈએ છીએ.
અમારું લખાણ શું નથી
લેખ અને કેલ્ક્યુલેટર સામાન્ય માહિતી માટે છે. એ તમારા માટેની પર્સનલ નાણાકીય, ટેક્સ કે રોકાણની સલાહ નથી, અને Gainly SEBI પાસે ઇન્વેસ્ટમેન્ટ એડવાઇઝર તરીકે રજિસ્ટર્ડ નથી. કોઈ પણ આંકડા પર ભરોસો કરતા પહેલાં ડિસ્ક્લેમર વાંચી લો.